] شـاعـرـآلمليون / محمد بن فطيس المري [

بنت صوغان




في شاعر المليون للشعـر مضمـار
والسابقة في الشـوط تظهـر بيدهـا
مضمريـن أبكـار الأفكـار شعـار
وكلا يحضـر فكرتـه فـي وعدهـا
واللي تـردت لايـدور لهـا أعـذار
معـذورة مـادام قــد ذا جهـدهـا
واللي تعوص وتضرب الحاجز يسار
تشل فـي ( الدنـا ) وترجـع بلدهـا
وأنا ذلولي ( بنت صوغان ) الأفكـار
مـن حبهـا عنـدي تفحـم وحدهـا
أن جارها الله من تصاريف الأقـدار
جاتك وجـاك الجيـش كلـه بعدهـا
وتلقفوهـا بالعلـم رمـز وشـعـار
وصفق لها من هـو بعينـه شهدهـا
ومرو بها تو المنصـة كمـا الطـار
ياللي تزعفرها مـن الطـاس زدهـا
شبهت بالهجن الأصيـلات الأشعـار
وقصيدتـي تـراث أهلنـا مـددهـا
أعتز به واقف لـه أجـلال وأكبـار
واحة شرف ياسعد من هـو وردهـا
أغلى أبلنا ماجـب الضيـف والجـار
يشـرب لبنهـا قبـل يأكـل ولدهـا
وتراثنا مـن دونـه نبيـع الأعمـار
وبأفعالنـا روس المعالـي صعدهـا
واليوم ضاق الجو من كثـر الأقمـار
تبـث حقـد اللـي لحقـده رصدهـا
غزا الشعر قبل أمس غازين الأفكـار
قوم علـى الساحـة دفعهـا حقدهـا
تلفقو ثـم جـو مـن كـل الأقطـار
هذا يصبحهـا ... والآخـر هجدهـا
هذا يحرف في الأدب سـر وأجهـار
وهذاك يذبـح موهبـة فـي مهدهـا
وقفو على ابل الشعر في وقت الأسحار
غارو على الساحة وعـرو جسدهـا
وصاحت بعدما شافت أن سترها طار
ووقف ولد زايد ( محمـد ) سعدهـا
قال أبشري بالستـر وبـردة الثـأر
وأضفـى عليهـا سترهـا مانشدهـا
واستل سيفـا فـي المواجيـب بتـار
واطلب ورد البل علـى مـن فقدهـا
على خطـى زايـد خطاويـه مابـار
والحاجة اللـي فـي خيالـه وجدهـا
أغنى العرب من شوف أكاديمي استار
ومن شوف أمر من السخافات وأدهى
شفت الشعر بستان وأبوابـه أزهـار
وقطفت مايسقـي المشاعـر شهدهـا
قطفتهـا مـن تربـة تنبـت أحـرار
من دار أبـو مشعـل ذراي وسندهـا

ودي بكـ







ودي بـك وابيـك وابـاك وابـغـاك
جمّعتهـا لرضـاك واختـار فيـهـا
شف ويش منها يتبع احكاك ورضـاك
اللي لك اسقـي مسمعـك لا ضميهـا
غديت (افر)احكـاي واسايـر احكـاك
انـا تشّـرف لكنـتـي واهتويـهـا
مضمونهـا ودي بشوفتـك واهـواك
اللي دروب اهل الـردى مـا تجيهـا
صانـك ولـي امـرك وحبـك وداراك
لاقــدر ردع الحـظـوظ ومجيـهـا
نفسـك مهذبهـا وعـز الله ربّــاك
ايـدري ان جيـش الهيـام يغزيهـا
الله قسم يبـلاك بـي وانـت يبـلاك
اللي سواتـي فـي العـرب يرتجيهـا
محبة (ن ) ذربه من القلـب تكسـاك
حبـة (ن) صـدق الهـوى يكتسيهـا
يامـرك قلبـك بالوفـا لـي وتنهـاك
اس (ن) على لامـاك تفـرك يديهـا
رزيـن عقـل ومـن مزايـا مزايـاك
فسـك تحـب وعفـتـك تمتطيـهـا
تطيع عقل (ن) ما بعـد زل واغـواك
شاعـرك تعصـاه ..وانـت تعصيهـا
ماشفـت منـك الا عيونـك ويمنـاك
حبـة (ن) راع الـردى مـا يبيـهـا
يقبـض فـوادي لا تخيلـت فرقـاك
اشف عين (ن) مـا سـواك يعنيهـا
وياعزوة اخوانـك ومطلـب هـذولاك
اس (ن) محبـة والــدك تدعيـهـا
ناس (ن) تخدم ابيـك كلـه لعينـاك
هـو يحسـب ان الله عليـه يهديهـا
ياجعلها تفدى علـى الارض ماطـاك
الله بمـن هــو مثلـهـا يبتليـهـا
لكـن لعـب فـي ياوليفـي تـغّـلاك
نفسي غلاك مـن الصـدود يحديهـا
تبطـي علـي وانـا هنـا واتحـراك
كبـدي لواهيـب الصبـر تشتويهـا
اجمّع علومـك امـن هنـاك وهنـاك
الله لـو انهـا تنشـرى لا اشتريهـا
وعذرك (انا لاهي) يا ويش اللي الهاك
اهـي ومر(ن)منـت لاهـي تليـهـا
كانك مشكك في الوفـا والغـلا هـااك
والـي اقـر القائمـه كـل ابيـهـا
رقمك مع (الصادر) ولا (وارد ) اسواك
الناس في اللي ( لم يـرد عليهـا ).
وايــاك واياني...وايـانـي ايــاك
من غيبة (ن) من دون عذر يحميهـا

غــاسل يدي





غاسل ٍ كفي مـن مصافحـة بعـض اليديـن
وقافـل ٍ بوجيـه اهلهـا صناديـق البـريـد
وشايف ٍ شي ٍ لي اعـوام مالـي فيـه عيـن
وقاطـع ٍ خيـط الهقـاوي بسكيـن الوكـيـد
وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد
وطايح ٍ من عيني ارجال عنـدي كـان ويـن
وحاقـر ٍ منهـو يقيـس الاوادم بالرصـيـد
ومحتمي ٍ من غدر الاصحاب في حصن ٍ حصين
ولابس ٍ لرماح الاقـراب ثـوب ٍ مـن حديـد
وماضي ٍ مني علـى اللـي تمشينـي يميـن
ما تجي منهو قريـب ٍ والـى احتجتـه بعيـد
المواقـف تشخـل النـاس والطيّـب يبـيـن
كل عام يطيـح تسعـه ويصفـا لـي وحيـد
اشهد ان خيـر المـدارس تجـارب الاوليـن
واشهد ان راي التجارب هو الـراي السديـد
واشهد انـي للبـلاوي علـى الدنيـا مديـن
كل مـا راجعـت نفسـي طلعـت المستفيـد
وانت ياللي عقبك الزين بيـن البيـض شيـن
مستحيل يطوفك الشعر وانت اصـل القصيـد
القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد
انت ياللي مـن بطيـن الفـؤاد الـى الاذيـن
والله ان حبك مـع الوقـت ماينقـص يزيـد
في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد
اقهـر الضيقـه بذكـراك مـن حيـن لحيـن
وانثر دموعي على الوصل مـن عيـد ٍ لعيـد
لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد
شف مكانك في مكـان ٍ عـن العالـم دفيـن
في مكان ٍ مـن ورى مثـل عيـدان الجريـد
مكرم ٍ حبك ولـه فالحشـى سمـن وسميـن
يقدع من الحـال واصـب لـه بـن الوريـد
افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد
الهوى سجن العشاشيـق وانـا لـك سجيـن
وودي ان سجني مؤبـد ولـي حـارس وقيـد
عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد
صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد

دمعة الرجال من فرقا مره




قد عطيتك وانـت ماضنـك لئيـم
والنصيـحـه لليـالـي تـذكـره
لاتحرك جرحـي الماضـي الاليـم
ولاتحسب ان طول بعـدك طهـره
كل جرح يهـون يالجـرح القديـم
وكل شي قد مضـا معـك اذكـره
جرحي وذكـراك والليـل البهيـم
حـزت فـوادي بمثـل المنشـره
العذول غراب وانا اكبـر غشيـم
والجروح الماء وطاريـك حجـره
والزمان اكرم من الحـظ الكريـم
لانفتح لي بـاب صوبـك سكـره
وحبك اللي لاطرى لي رحت اهيـم
قمت احسب اصغر كلامك واكبـره
ليتنـي عـاد الهـوا تـوه فطيـم
انعذلـت لعاذلـي بـس خـيـره
مالقيت من الوفـاء يـااول نديـم
كون صدق الحزن وجهه وظهـره
عقب رمح الشوق في وجه الصميم
سيف هجرك في قفاه وشف ثـره
وانت شكلك تحسبنـي فـي نعيـم
لنـي اخبـي صوابـي واستـره
لايغـرك حلـم رجــال حلـيـم
مهون اللي مـن سكوتـه فجـره
ولاتحسب الجفن من دمعه عقيـم
يستحي منك والى اقفيـت انثـره
ولايغرك وان بدا جسمـي سليـم
والله انـه مثـل سـور المقبـره
والله ان امر من ضحـك الخصيـم
شوف حقي بيـن اياديـه اشكـره
والله ان احر مـن دمـع اليتيـم
دمعة الرجـال مـن فرقـا مـره

يقولـون سمعنـا قصيـد الوطـن نبغـيـه
وانا اقـول هاكـم والوطـن يستحـق اروااح
ولكـن مـن اللـي بالقوافـي قـدر يوفيـه
اشوف ان مدات الشعـر لـو تجـود شحـاح
تعجز المشاعر لو بغـرف البحـر واعطيـه
ولا اشيّن من الطبعه سـوى طبعـة السبـاح
عجزت افصح اللي في كنين الصـدر مخفيـه
واشوف السكات افصح الى ما انصف الافصاح
احبـه ولـو مابيّـن القـاف كيـف اغليـه
وحبـه شربتـه واجتمـع فالـؤاد وســاح
قطر موطني وانـا مثـل مـن تربـوا فيـه
راع البـل وراع المـال والغيـص والفـلاح
رجال ٍ الـى سمعـوا نـداه اجمعـوا لبيـه
تطيح الغتر والروس .. بس العلم مـا طـاح
ولدنـا يجـي فـي لازم الـدار هـو وابيـه
مجـي المعيـد الموجـب لراعـي التلـواح
سواعد الاميـر وفالمحافـل فخـر و وجيـه
ونارد حياض الموت كنحـن خـرز مسبـاح
وسيوف لولـي العهـد فـي لازمـه وايديـه
دروع عليـه وفالـلـوازم قـنـا ورمــاح
جنود الوطـن لحتـاج الامـر وذرا ً يذريـه
ولسـان ٍ فصيـح ٍ قاطـع ٍ يسكـت النبـاح
رجـال اللـوازم كلـنـا والعـهـد نوفـيـه
علـي بالطـلاق انـه كـلام مهـو بمـزاح
هـذا بعـض مافالصـدر للـدار يـا باغيـه
كتبتـه قصيـد وديـرتـي تستـحـق ارواح

،، قـــصـــيـــدة ـآلـــمـــلـ،،ــلــيـــون ،،





الضيقه اللـي دايمـاً تالـي عصيـر

وش حيلتـي واردّهــا لا تجيـنـي

لاطال ظل العود حزة عشـى الطيـر

كنها على سجـن الحديـد تحدينـي


يضيق صدري كل ما جـت واسيـر

ولا يخفـف سـوج رجلـي حنينـي

لاحولنـا مشـراف ولا اقـدر اطيـر

يالله قسـمـة خـيـر لا تبتليـنـي


وعقارب الساعه توقف عن السيـر

ولاكن في الدوحه سواتـي حزينـي

والعبره اللي تاصل الحلـق وتحيـر

ياقربها لـو قيـل لـي ( ياعوينـي)


امل شـوف النـاس وردّ ومصاديـر

واللي يقول اشفيـك كنْـه يهجينـي

يعني على ماقيل من بـاب تصويـر

( لحد ٍ ابي قربه ولا احـد ٍ يبينـي)


اروح ادوّر( خط) ما بـه( دواويـر)

وادوّر الـلـي هـادهـا تهديـنـي

واخذ مع الهاجـوس سجـه وتفكيـر

واراجع اللـي فـات بينـي وبينـي


واحسّـب ذنوبـي وادوّر لتكفـيـر

وعسـاي ماقصـرت فـي والدينـي

وعساي ماقارنت مـن ينفـخ الكيـر

واللي يحمل المسـك جعلـه قرينـي


ويطري علي يوم الحشر واطلب مجير

ما اعطى كتابي في شقيقـة يمينـي

ويطري على صدقان كثـر الدنانيـر

اللـي تعادينـي الـى كثـر ديـنـي


وراع الهروج اللي سوات المناشيـر

اصـد عنـه وادري انـه يعنيـنـي

الله حسيبه يـوم عـرض القواريـر

والله حسبي مـن صـواب ٍ مكينـي


والى طرالـي واحـد ٍ كانـه صغيـر

امـا اصغـر بيوميـن ولا سنينـي

دريت وش قومـي وعينـت تفسيـر

للضيقه اللـي مـن زمـن تعترينـي


حبه بصدري سالفة سـر فـي بيـر

وكـن الفـواد يقـول هـذا زبينـي

اشفق على علم ٍ يجي منه من غيـر

مايسمع اللي سولفـوا بـه ونينـي


العام اجيهم مـن حسـاب المساييـر

واليوم حـال عـداي وينـه ووينـي

ياكثرهم غيـره ولكـن خبـر خيـر

ماغير شوفه فـي الوجـود يهنينـي


رايـي كـذا ياعاشقيـن الغنـاديـر

ماله على وجـه البسيطـه وزينـي

خطاي تعليق الامـل فـي المدابيـر

إليـن راح وشفـت حقـري بعينـي


صبر جميـل وخابـر انهـا مقاديـر

والله على تخفيـف حزنـي عوينـي

ذي حالتي لين اتغبا الشمس واصيـر

معطى صراحي عقب ما انا سجينـي


والى امتلا جوف الشجر بالعصافيـر

طلبـت مـن رب العبـاد يهديـنـي

يعتقني المذن عقب ضيقـة عصيـر

اللي على سجـن الفـراق تحدينـي

مانيب من ياتي ولا يدرابه
شطر حفظته ماعرف كتابه

شطر يناسبني لمثل الليله
واشوفني في ذالمكان اولى به

ابتكل بالله ونعم بالله
اللي مايوصد دون خلقه بابه

باقول واللجنه تقيم قولي
ومن كثرت الشعار ماني آبه

الحمد لله واثق(ن) من روحي
وان كنت ذيب فالرجال ذيابه

ما اقول انا اشعر واحد فالدنيا
لكن قصيدي كفو وانا ادرابه

الشعر جمعنا لو تفرقنا
حدودنا وظروفنا الغلابه

الله يبيض وجه راعي الفكره
عز الله انها تنحسب لحسابه

والله يبيض وجه من يرعاها
محمد الله يحفظه لاحبابه

محمد ولد زايد عريب المجنى
ولي عهد الديره الخلابه

الشعر تاريخ(ن) لنا من مبطي
واعلامنا يوم السنين نهابه

الشعر بيت(ن) والوزن عمدانه
معناه طنب وقافيته حجابه

الشعر واد فيه صيد(ن) واجد
وكل على الوادي يهج ركابه

والافكار صيد وكل شاعر قانص
وكلن يدسم شاربه مخلابه

احد(ن) خياله حر واحد(ن) وكري
واحد(ن) خياله كوبجن بقطابه

وانا خيالي كل ماهديته
حول على الوادي وصاد عقابه

شاركت امثل ديرتي وربوعي
وكلن يمثلن ديرته واقرابه

والله الا الله راد والله قاله
اني لسلمها الفخر وكتابه

داري قطر وانا اهنا امثلها
المجد مطلوبي وانا طلابه

عهد علي اني لشرف داري
ترك صبي ما يعز ترابه

شوفوا دمي من حبها عنابي
وحماستي من ضووها شبابه

شاعر خليجي والعروبه بيتي
والبيت ماياقف بدون اطنابه

وان عودت بين القبايل فزعه
انا اشهد ان لي فاللوازم لابه

لي فالقبايل ربع واقدرهم
ماني بمن يجهل مقام اصحابه

وان عودت لاصلي فانا اصلي مري
من صلب يام اهل القنا وخضابه

قوم لنا فوق المعالي بيرق
والسيف قوة سلته بانصابه

الشعر طوقني وانا طوقته
قمت اتمشابه وفك ابوابه

يابنت ياللي تفرقين بعودش
مالومهم لاكثروا الخطابه

لامر بش دربش على خلق الله
قالوا كذا بالاصبع السبابه

زينش يزينه فعل ابيش وجدش
وانتي بدورش للنقا كسابه

قومي تباهيبي وفلي راسش
عليش من ستر الشرف جلبابه

وان ماسترتش بالفعول وباسمي
فعقبني الفنجال ياصبابه

ســـولـــفوا



سولفوا تكفـون لاعـد تسكتـون
قبل لا اهوجـس وياتينـي بـلاي
السكـات يـزوّد طعونـي طعـون
وتنكسر لا جا على راسي عصـاي
سولفوا لو مـا بغيتـوا تسولفـون
قبل لا اقعد في الحزن رايح ..وجاي
واضحكوا لو بالعمالـه تضحكـون
وجاملوني لـو يضايقكـم احكـاي
لي وليفن راح جعلـه مـا يهـون
هــو دواي وداي..او داي ودواي
راح لاكن طيف زوله فـي العيـون
مــرة ٍ قـدامـي ومــر ٍ وراي
وان سكتوا جا .. وهو طيفه يمون
رحت اهوجس له وابيّن لـه ولاي
مكسب عيوني من الفرقا مـزوون
تمطر لطاريه..والبرق ؟ اصدقـاي
كل ما طـروه لـو هـم يمزحـون
احرموني من غداي ومن عشـاي
ادري انه ما تناسـى الـود كـون
تسمع اذنه في قفاي اللسن اعـداي
وكانهـم قالـو نسيتـه يكـذبـون
والا انا فيـه امتلـك نظـره وراي
كان حبه لي على خبري مصـوون
والله ان كني بقـدري ..وبغـلاي
ذي بقايا الحب واطـلال الجنـون
والله اعلم في ضميره وش بقـاي
غيـر طيعونـي ولاعـد تسكتـون
ولا والله ان اسمعكـم ابـكـااااااي